२५ जेठ २०८३, सोमबार
नेपाली कांग्रेसका उपसभापति विमलेन्द्र निधिले नेपाली कांग्रेसको महाधिवेशनबाट नेतृत्व हस्तान्तरण हुने दाबी गरेका छन् ।
आसन्न महाधिवेशनमा निधि कांग्रेस सभापतिको दाबेदार हुन् । न्युज एजेन्सी नेपालसँग बिहीवार कुरा गर्दै निधिले १४औं महाधिवेशनबाट कांग्रेसको नेतृत्व हस्तान्तरण हुने दाबी गरे ।
‘यो महाधिवेशनले नेतृत्व हस्तान्तरण गर्छ,’ निधिले भने । शेरबहादुर देउवालाई कांग्रेसले फेरि सभापति निर्वाचित नगर्ने उनले दाबी गरे । निधिले शशांक कोइराला र प्रकाशमान सिंहसँग छलफल जारी रहेको र ३ मध्ये १ जना सभापतिमा उम्मेदवार बन्ने बताए ।
कांग्रेसको महाधिवेशन भदौ १६ देखि १९ गतेसम्म काठमाडौंमा हुँदैछ । सभापतिमा उठ्ने भन्दै निधिले नेताहरूसँगको छलफल तीब्र बनाएका छन् ।
