कात्तिक १९, २०८०
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
मोरङको उर्लाबारी–९ का राजीव खड्का वैदेशिक रोजगारीको सिलसिलामा कुवेत, कतार हुँदै विभिन्न देश पुगे । उनको कमाइ पनि मासिक ५ लाख रुपैयाँसम्म थियो ।
कम्पनीमा सुपरभाइजरको जिम्मा पाएका खड्काको कमाइ दिनप्रतिदिन बढिरहेको थियो । खड्कासँगै पत्नी हिमादेवी भट्टराई पनि वैदेशिक रोजगारीमै गएकी थिइन् । हिमादेवी गएको १ वर्ष नपुग्दै बिरामी हुन थालिन् । राजीवले १५ वर्ष विदेशमै बिताएका थिए ।
सामान्य बिरामी भएकी पत्नीले स्वदेश फर्केर केही गर्नुपर्छ भन्ने इच्छा व्यक्त गरिन् । स्वदेश फर्किन हिमादेवीले राजीवलाई दिनरात दबाब दिन थालिन् । त्यसपछि स्वदेश फर्किएर कृषि पेशा शुरू गरिएको राजीव बताउँछन् ।
‘श्रीमतीले अब परिवारबाट टाढा भएर नबस्ने, आफ्नै गाउँमा गएर केही गर्नुपर्छ भनेर दबाब दिएपछि के गर्ने भन्ने अन्योलमा परियो,’ उनले भने, ‘गाउँमा गएर के गर्ने भन्ने चिन्ताले निकै लामो समय सतायो । गाउँमा गएर के गर्ने ? यहाँ राम्रो कमाइ छ, म जान्न भनेर श्रीमतीसँगै बारम्बार विवाद गरे तर उनले मानिनन् ।’
पत्नीकै योजना अनुसार अहिले व्यावसायिक रूपमा पशुपालनमा लागेको उनी बताउँछन् । बाख्रा, गाईपालन गरिरहेका खड्का मेहनती किसानका रूपमा परिचित भएका छन् ।
‘अर्काको देशमा काम गर्न खर्चने समय आफ्नै खेतवारीमा खर्चियो भने त्यसले पनि कम आम्दानी दिँदैन जस्तो लाग्छ,’ हिमादेवी भन्छिन्, ‘हामीलाई यहाँ काम गर्न लाज लाग्छ, अरुको देशमा गएर काम गर्न लाज लाग्दैन ।’
राजीव र हिमादेवीले गाउँमै ३ बिगाहाभन्दा बढी क्षेत्रफलमा बाख्रा र गाईपालन गरिरहेका छन् । बोयर, जमुनापारी, खरी र स्थानीय रैथाने जातका बाख्रापालन गरिरहेका छन् । फर्ममा एउटा बाख्राको मूल्य १० हजारदेखि डेढ लाख रुपैयाँसम्म छ ।
‘राज्यबाट हाम्रो अपेक्षा केही पनि छैन,’ हिमादेवी भन्छिन्, ‘राज्यले कृषकका नाममा दिने अनुदान बन्द गरेर बजारीकरण गरिदिए पुग्छ । हामी राज्यबाट यति अनुदान लिउला भन्ने छैन र चाहिँदैन तर राज्यले अनुदान नभई कृषकले उत्पादन गरेका वस्तुलाई बजारीकरण गरिदिनुपर्यो ।’
यी दम्पतीको कृषि फर्ममा न सरकारी अनुदान प्रवेश गरेको छ, न कुनै बैंक वा वित्तीय संस्थाको ऋण नै । विदेशमा चुहाएको पसिनाबाट आर्जित रकम नै व्यवसायमा लगानी गरेका छन् ।
कोरोना भाइरस संक्रमणको महामारीबाट विश्व नै आक्रान्त भएको समयमा आफ्नै ठाउँमा केही गर्न सकिन्छ भन्ने प्रेरणाका स्रोत बनेका छन् यी दम्पती । आफ्नै ठाउँमा पसिना बगाउँदा खुशी लागेको हिमादेवी बताउँछिन् ।
‘कोरोना भाइरसको महामारीमा हामी विदेशमै भएको भए परिवार तथा आफन्तसँग भेट हुन्थ्यो, हुँदैन्थ्यो,’ राजीव भन्छन्, ‘मेरा लागि श्रीमती प्रेरणाको स्रोत बनिन् ।’
कृषि फर्ममा १ जनालाई रोजगारी दिएका छन् भने गाई–बाख्राका लागि खोले, घाँस, पानी दिने जस्ता काममा आफैं खटिन्छन् ।
यी दम्पतीबाट अरुले पनि केही सिक्नुपर्ने छिमेकी समेत रहेकी स्थानीय पत्रकार रञ्जना अधिकारी बताउँछिन् । उनी भन्छिन्, ‘यो दम्पतीले जस्तै अरुले पनि काम गरे कृषिमा परिवर्तन ल्याउन समय लाग्दैन ।’
समय : आइतवार बिहान ७ बजे स्थान : नलगाड नगरपालिका, १ चिउरी, जाजरकोट (भूकम्पले सबैभन्दा धेरै क्षति पुर्याएको ठाउँ) ‘मेरी आमालाई किन यस्तो भयो ? मलाई पनि बाँच्न मन छैन,...
प्रगतिशील राजनीतिको 'फ्रन्टलाइन'मा देखिने नेताहरू जति कठोर हुन्छन्, त्यो भन्दा बढी ‘इमोसनल र सेन्टिमेन्टल’ पनि हुन्छन् । त्यस्तै ‘इमोसनल फिलिङ्स’का बाबजुद परिस्थितिले कठोर बन्दै गएक...
पोखराका अशोक खड्काको पारिवारिक वातावरण सानैदेखि उद्यमशीलताको थियो । उनका बुवा सधैं एकै सुझाव दिइरहन्थे– नेपालमै केही गर्नुपर्छ । उनको बालमस्तिष्कमा त्यही छाप पर्यो । विदेश जाने सोच कहिल्यै बनाएनन् । नेप...
बुटवलका कुलचन्द्र पाण्डे सफल पर्यटन व्यवसायी हुन् । कुनै समय भारतको एउटा कम्पनीमा काम गरेका पाण्डे अहिले रूपन्देहीमा ‘एसियन ब्राण्ड’ चम्काउने ‘टुरिजम’ उद्यमीका रूपमा चिनिन्छन् । तीन दशकअघि...
श्रीमान्–श्रीमती नैं शाखा अधिकृत, त्यो पनि एकसाथ । यस्तो सुखद संयोग सरकारी सेवामा प्रवेश गर्न चाहनेमध्ये कमैलाई मात्र जुर्ने गर्छ । तर, गुल्मीको धुर्कोट गाउँपालिका वडा नम्बर–६ का सुरेन्द्र पाण्डे र रमित...
भगवान् गौतम बुद्धको जन्मस्थल लुम्बिनी विश्वकै लागि शान्तिक्षेत्र हो । यो क्षेत्र आउँदो महिना विशेष हुने भएको छ । विश्वकै प्रतिष्ठित र ठूलो पुरस्कार मानिने नोबेल पुरस्कार विजेताहरूको जमघट हुने भएपछि विशेष हुन लागेक...
सामान्यतः मानव समाजको आजसम्मको इतिहास जनयुद्धको इतिहास हो भन्दा फरक पर्दैन । किनकि, समयका प्रत्येक खण्डमा चाहे ती स्पाटाहरू होउन् या चार्टिष्टियन, सिलेसियाली होउन् या कम्युनाडोहरू अनि वोल्सेभिक–भियतकङ्&ndash...
रूढिवादी र पछौटे समाजले सधैँभरि अवतारको प्रतीक्षा गर्दछ । प्रतीक्षा गर्नेले आफू केही पनि कर्म गर्दैन र उसलाई पौरखमा त्यति विश्वास पनि हुँदैन । सामान्यतया व्यक्तिगत जीवनमा भाग्य र सामाजिक जीवनमा अवतारको प्रत...
कसैले आएर सत्य भनेको के हो ? भनेर सोध्यो भने हामी अलमलिन्छौँ । कसैले केही भनौँला कसैले केही । अझ कसैले त सत्य भनेको सत्य नै हो भन्न पनि बेर लगाउन्नौँ । तर सत्य त्यो मात्र होइन । सत्य भनेको हामी आफैँ हौँ । सत्य...