टीकापुर, २४ जेठ– कैलाली टीकापुरबाट बाँकेको नेपालगञ्जतर्फ जाँदै गरेको बस दुर्घटना हुँदा एकजनाको मृत्यु भएको छ ।

टीकापुरबाट यात्रु बोकेर नेपालगञ्जका लागि हिँडेको ना५ख ५३० नम्बरको बस टीकापुर–लम्की सडक खण्डको पथरैयामा दुर्घटनाग्रस्त भएको हो ।

सडक छेउको खोल्समा खस खस्दा टीकापुर नगरपालिका ९ का जोधिप्रसाद चौधरीको मृत्यु भएको हो । मृतक चौधरी थारु कल्याणकारी सभा कैलालीका उपाध्यक्ष हुन् ।

प्रहरीका अनुसार बस दुर्घटनामा अन्य १७ जना घाइते भएका छन् । घाइतेहरुको स्थानीय अस्पतालमा उपचार भइरहेको जनाइएको छ ।