०२ साउन २०८३, शनिबार
पार्टीभित्र सहमति खोज्न गठित नेकपा एमाले कार्यदलले औपचारिक रुपमा काम शुरु गरेको छ । जेठ २ गते गठन भएको कार्यदलले ५० दिनपछि आज औपचारिक छलफल शुरु गरेको हो । कार्यदलको पहिलो दिनको बैठक सकारात्मक रहेको र भोलिको बैठकमा थप छलफल गरिने कार्यदलका सदस्य गोकर्ण विष्टले जानकारी दिए ।
विष्टले लामो समयपछि बसेको कार्यदलको बैठकले एमाले भित्र सहमतिका लागि आशावादी हुने संकेत दिएको बताए ।
‘आजको बैठकमा यसअघि अनौपचारिक रुपमा भएका कयौ छलफलको बारेमा समीक्षा भयो । भोलि छलफल गर्नेगरी आजको बैठक सकियो । सहमतिको वातावरण कसरी बनाउन सकिन्छ भन्नेमै छलफल केन्द्रीत रह्यो’ विष्टले भने ।
सचिव विष्टले औपचारिक रुपमा कसरी विवाद टुंगो लगाउन सकिन्छ भनेर दुवै पक्षबीच सकारात्मक ढंगले छलफल शुरु भएको बताए । ‘आशावादी हुने संकेत देखिएको छ, दुवै समूहमा रहेका सदस्यले पार्टी एकताका लागि इमानदारी पूर्वक पहल गछौं । पार्टी एकता सार्थक पुर्याउन बिषयबस्तु प्रस्तुत भएका छन, औपचारिक रुपले छलफल भएका छन् । भोलि व्यवस्थित ढंगले अगाडि अगाडी बढ्ने कुरा भएको छ’ विष्टले भने ।
कार्यदलमा संस्थापन पक्षबाट सुवास नेम्वाङ र माधव नेपालको तर्फबाट भीम रावल संयोजक छन् ।
