०८ असार २०८३, सोमबार
पार्टीभित्र देखिएको विवाद समाधानका लागि गठित एमाले कार्यदलको बैठक औपचारिक विषवस्तुमा प्रवेश गरेको छ ।
मंगलवार बसेको दोस्रो दिनको बैठकमा मूल विषयमा बुँदागत छलफल शुरू भएको सचिव गोकर्ण विष्टले जानकारी दिए ।
सिंहदरबारस्थित अर्थ मन्त्रालयमा मंगलवार ३ घण्टा छलफल भएको थियो । ‘आज विषयवस्तुमा प्रवेश गरेका छौं । सदस्यहरूबाट महत्त्वपूर्ण कुरा आएको छ । सकारात्मक ढंगले छलफलको शुरूआत भएको छ,’ विष्टले भने ।
कार्यदलमा संस्थापन पक्षका तर्फबाट सुवास नेम्वाङ र माधव नेपाल पक्षबाट भीम रावलले नेतृत्व गरिरहेका छन् ।
अध्यक्ष केपी शर्मा ओली र माधव नेपालबाट संयुक्त वक्तव्य आउने भनिएपनि मंगलवारको बैठकमा त्यसबारे छलफल नभएको नेता रघुजी पन्तले जानकारी दिए ।
