२३ जेठ २०८३, शनिबार
पोखरामा सवारी दुर्घटनामा परी १ जनाको निधन भएको छ ।
पोखरा महानगरपालिका–५ गणतन्त्र चोकमा ग१ख ९७०३ नम्बरको टिप्परले पैदलयात्री स्याङ्जाको बिरुवा गाउँपालिका–४ घर भई हाल पोखरा–१७ बिरौटा बस्ने ४० वर्षीया रीता केसीलाई बिहीवार ठक्कर दिएको थियो ।
टिप्परको ठक्करपछि गम्भीर घाइते केसीलाई उपचारका लागि अस्पताल लगिएकामा उपचारका क्रममा शुक्रवार मृत्यु भएको गण्डकी प्रदेश प्रहरी कार्यालय पोखराका प्रहरी नायब उपरीक्षक श्रवणुकमार विकले जानकारी दिए । प्रहरीले घटनाको अनुसन्धान भइरहेको जनाएको छ ।
