३१ जेठ २०८३, आइतबार
भारतको कर्नाटक राज्यमा कांग्रेस पार्टीका अध्यक्ष डीके शिवकुमारले आफूलाई अँगाल्न खोज्ने एक व्यक्तिलाई थप्पड हानेका छन् ।
घटनाको भिडियो सार्वजनिक भएपछि शिवकुमारको आलोचना गरिएको छ ।
ती कार्यकर्ता खासमा जेडी(एस) पार्टीका थिए । उनी शिवकुमार नजिक पुगे अनि अँगालो हाल्ने कोशिश गरे । त्यतिखेर शिवकुमार बिरामी परेका पूर्वमन्त्री जी माडे गौडालाई भेट्न गएका थिए ।
शिवकुमार आवेशमा आएर भने, ‘औकातमा बस । म सजिलो छु भन्दैमा तिमीले सार्वजनिक ठाउँमा जे मन लाग्यो त्यही गर्न पाउँदैनौं । जिम्मेवार भएर व्यवहार गर्नुपर्छ र पार्टी अध्यक्षलाई कसरी व्यवहार गर्नुपर्छ भन्ने थाहा पाउनुपर्छ ।’
भारतीय जनता पार्टीले शिवकुमार हुल्याहा भएको टिप्पणी गरेको छ । राष्ट्रिय दलको अध्यक्ष भएर यसरी व्यक्तिमाथि आक्रमण गर्नु माफीयोग्य छैन, पार्टीले जनायो ।
चड्कन खाने उमेश नामक ती कार्यकर्ताले शिवकुमारलाई सम्मान गर्ने र उनीसँग सेल्फी लिने कोशिश गरेको बताए । तर शिवकुमारको व्यवहारले आफूलाई आहत बनाएको उनको भनाइ छ ।
Karnataka CONgress President @DKShivakumar SLAPS his party worker in full public view.
— C T Ravi 🇮🇳 ಸಿ ಟಿ ರವಿ (@CTRavi_BJP) July 10, 2021
If this is how the "former shishya" of Kotwal Ramachandra treats his party worker, one can imagine what he would do with Others.
Have you given DKS the "licence for violence", @RahulGandhi? pic.twitter.com/JuuSBsALwG
