२३ असार २०८३, मंगलबार
पार्टीको विवाद समाधान गर्न गठित कार्यदलको बैठक चलिरहेको समयमा अर्थ मन्त्रालयबाट बाहिरिएका एमाले उपमहासचिव घनश्याम भुसालले वार्तामा खासै प्रगति नभएको बताएका छन् ।
कार्यदल बैठक चलिरहेको समयमा उनी राति साढे ७ बजे बाहिरिएका थिए । सवा ८ बजे बैठक स्थलमा प्रवेश गर्दै गर्दा भुसालले वार्तामा खासै प्रगति नभएको बताए । ‘हिजो जहाँ थियो आज पनि त्यही छौं’ भुसालले भने ।
भुसालले दिउसो माधव नेपालसँग परामर्श गरेका थिए । कार्यदलको बैठक विहान सवा ९ बजेदेखि बसिरहेको छ । एक कार्यक्रममा सहभागि हुन बाहिरिएका अर्थमन्त्री विष्णु पौडेल पनि पुनः बैठक स्थलमा पुगेका छन् । कार्यदलको बैठकलाई देखाएर एमाले स्थायी कमिटी बैठक भोलिसम्मको लागि स्थगित गरिएको महासचिव इश्वर पोखरेलले जानकारी गराएका छन् ।
