३० असार २०८३, मंगलबार
इराकको दक्षिणी शहर नसीरियाको एक अस्पतालमा रहेको कोरोना वार्डमा भीषण आगलागी भएपछि कम्तीमा ५२ जना जिउँदै डढेर मरेका छन् ।
घटनामा ६७ जनाभन्दा बढी मानिस घाइते भएका छन् ।
आगो नियन्त्रणमा आइसकेको छ र उद्धारको काम भइरहेको छ ।
मर्नेको संख्या बढ्ने आशंका गरिएको छ ।
अहिलेसम्म १६ जनालाई अस्पतालबाट निकालिएको छ । स्थानीय स्वास्थ्य अधिकारी हैदर अल जमीलीले आगोका कारण पीडितहरू नराम्ररी डढेको र लाश चिन्न समेत गाह्रो परिरहेको बताए ।
अक्सिजन ट्यांकहरू विस्फोट भएर आगो लागेको उनको भनाइ छ ।
घटनाको भिडियोमा अस्पतालबाट धूवाँको मुश्लो निस्किएको देखिन्छ । धूवाँका कारण मानिसहरूले बेस्सरी खोकेको पनि सुनिएको छ ।
केही महिनाअघि पनि अर्को अस्पतालको कोभिड वार्डमा आगलागी भएको थियो ।
#Nasiriyah moments ago: pic.twitter.com/SCusoo1jZu
— Yousif al-Hashimi | يوسف الهاشمي (@YousifHashimi) July 12, 2021
