भारतका फोटोपत्रकार दानिश सिद्दीकीले अफगानिस्तानमा सुरक्षाबलहरूसँग बसेर रिपोर्टिङ गर्ने क्रममा तालिबानले उनको हत्या गरेको भारतका लागि अफगान राजदूत परिद मामुन्दजेले बताएका छन् ।

‘मित्र दानिश सिद्दीकीको बिहीवार हत्या गरिएको दुःखख खबरले आहत बनाएको छ । भारतीय पत्रकार तथा पुलित्जर पुरस्कार विजेता सिद्दीकी अफगान सुरक्षाबलहरूसँग थिए । उनी काबुल जानुभन्दा दुई हप्ताअघि मसँग भेट भएको थियो । उनको परिवार तथा रोयटर्स समाचार संस्थालाई समवेदना,’ मामुन्दजेले ट्वीट गरे । 

सिद्दीकीको मृत्यु कनदहारको स्पिन बोल्दाक जिल्लामा भएको अफगानिस्तानको तोलो न्युज च्यानलले खबर दिएको छ । 

सिद्दीकीले दुई दिनअघि मात्र एक प्रहरीलाई अफगान विशेष बलले उद्धार गरेको खबर रोयटर्समा लेखेका थिए । उनले उक्त कारवाहीको तस्वीर र भिडियो पनि आफ्नो ट्विटर थ्रेडमा राखेका थिए ।