०३ असार २०८३, बुधबार
गोर्खा जनमुक्ति मोर्चा (दोस्रो) मा अनित थापा कार्यकारी अध्यक्ष बनेका छन् ।
बहालवाला अध्यक्ष विनय तामाङले मोर्चाका सबै पदबाट बिहीवार राजीनामा दिएपछि थापा अध्यक्ष बनेका हुन् ।
तामाङ अब विमल गुरुङको नेतृत्वमा रहेको गोर्खा जनमुक्ति मोर्चामा जोडिने विभिन्न स्रोतले बताएका छन् ।
अनित थापा यसअघि मोर्चाका महासचिव थिए । उनले शुक्रवार केन्द्रीय कार्यकारिणी समितिको बैठक बोलाएका छन् ।
नेपालीभाषी गोर्खाहरूले सन् १९०७ देखि पश्चिम बंगालबाट बेग्लै राज्य गोर्खाल्यान्डको माग गरिरहेका छन् । आफूहरू बंगालीभन्दा सांस्कृतिक र जातीय रूपमा बेग्लै भएकाले छुट्टै राज्य चाहिने उनीहरूको माग छ ।
तर गोर्खाल्यान्डको माग गर्ने गोर्खा जनमुक्ति मोर्चा नै विभाजित छ ।
यसअघि भएका हिंस्रक प्रदर्शनले पनि गोर्खाल्यान्डको सपना साकार हुन दिएको छैन ।
