कन्दहारमा तालिबानविरुद्ध अमेरिकी सेनाले गर्‍यो हवाई आक्रमण

अफगान सुरक्षाबललाई समर्थन गर्दै अमेरिकी सेनाले तालिबानका विरुद्ध बिहीवार राति दुईवटा हवाई आक्रमण गरेको अमेरिकी रक्षा अधिकारीहरूलाई उद्धृत गर्दै सीएनएनले खबर दिएको छ । 


Advertisement

अमेरिकी सेना अफगानिस्तानबाट फिर्ता हुने क्रममा अफगान नेसनल डिफेन्स यान्ड सेक्युरिटी फोर्सेसको सहयोगका लागि अमेरिकी सेनाले हवाई आक्रमणको अधिकार सुरक्षित राखेको छ । तर हालैका समयमा त्यस्ता आक्रमण घट्दै गएका छन् । 


Advertisement

एक अमेरिकी रक्षा अधिकारीका अनुसार, विगत ३० दिनमा अमेरिकी सेनाले ६ वा सात आक्रमण गरेको छ । आक्रमणका लागि अधिकांश समय ड्रोन प्रयोग गरिएको छ । 

पछिल्ला चारमध्ये तीन आक्रमणले तालिबानको कब्जामा रहेको सैन्य सामग्रीलाई तारो बनाएको एक अधिकारीको भनाइ छ । अफगान सुरक्षाबललाई बुझाएको उपकरण तालिबानले कब्जा गरेको पनि यसमा समावेश छ । 


Advertisement

अमेरिकाको यस आक्रमणले तालिबान देशका विभिन्न भागमा कब्जा गर्न सफला भएको स्पष्ट पारेको छ । उसले अफगान सेनालाई पछि हट्न बाध्य बनाएको छ अनि देशका धेरै भूभाग नियन्त्रणमा लिएको छ । 

अफगानिस्तान हेर्ने यूएस सेन्ट्रल कमान्डले अमेरिकी सैन्यबलको फिर्ती ९५ प्रतिशतभन्दा बढी सम्पन्न भइसकेको बताएका छन् । अगस्ट महिनाको अन्त्यसम्ममा सबै अमेरिकी सैनिक फिर्ता हुने राष्ट्रपति जो बाइडनको भनाइ छ । 

बुधवार अमेरिकाका जोइन्ट चीफ्स अध्यक्ष जनरल मार्क मिल्लेले तालिबान देशका ४१९ जिल्लामध्ये २१३ वटा जतिमा हावी रहेको बताए । तालिबानले ३४ वटा प्रान्तीय राजधानीमध्ये कुनै पनि कब्जामा नलिएको भए पनि आधा जतिलाई घेराउ गरेर एक्ल्याउन खोजेको मिल्लेले बताए । 
 

एजेन्सी
एजेन्सी

लेखकबाट थप...

कमेन्ट गर्नुहोस्