२१ जेठ २०८३, बिहीबार
बेलायतले एचएमएस क्वीन एलिजाबेथ नामक विमानवाहक युद्धपोत र क्यारियर स्ट्राइक ग्रुप दक्षिण चीन सागर पठाएको छ ।
चीनले दक्षिण चीन सागरको सम्पूर्ण १३ लाख वर्गमाइल क्षेत्र आफ्नो सार्वभौम क्षेत्र भएको बताउँदै आएको छ । यस क्षेत्रमा विदेशी युद्धपोतहरूले तनाव बढाइरहेको दोष उसले लगाउने गरेको छ ।
अमेरिका, बेलायत र अस्ट्रेलियाले जलआवागामन स्वतन्त्रता कारवाही (फोनोप) नियमित रूपमा गर्ने गरेका छन् । सामुद्रिक क्षेत्रमा तटीय मुलुकहरूले पहुँचलाई अन्यायपूर्वक सीमित गराउन खोजेको वाशिङटनको दाबी छ र त्यसलाई रोक्न यो कारवाही गरिएको हो ।
अमेरिका र बेलायतले यसअघि पनि दक्षिण चीन सागरमा प्रवेश गरेर चीनलाई आक्रोशित तुल्याइरहेका छन् ।
चीनले दिएको चेतावनीलाई बेवास्ता गर्दै बेलायती जहाज उक्त सागरमा प्रवेश गरेको हो ।
