बोधिसत्व विहार काठमाडौंले कोभिड–१९ संक्रमणका कारण परेको प्रभाव न्यूनीकरण गर्न सहजीकरण गर्ने उद्देश्यले नेपाल पत्रकार मञ्चलाई खाद्य सामग्री ‘फूड अफ लभ’ प्रदान गरेको छ । 

सोमवार सामामुखीस्थित लुनार सेकेन्डरी स्कूलमा आयोजित कार्यक्रममा नेपाल पत्रकार मञ्चलाई विहारका अध्यक्ष हुवाइ गुयाङले ‘फूड अफ लभ’ हस्तान्तरण गरे । 

कार्यक्रममा विहारका अध्यक्ष गुयाङले विश्वव्यापी रूपमा फैलिएको कोभिड–१९ संक्रमणबाट परेको प्रत्यक्ष वा अप्रत्यक्ष प्रभाव न्यूनीकरण गर्न सहयोगी भूमिका खेल्ने पत्रकारका लागि मानवीय सहयोग गर्न पाउँदा आफूलाई खुशी लागेको बताए ।

उनले भने, ‘म बुद्धको अनुयायी भएकाले पनि विश्वभरि शान्तिको सन्देश प्रवाह गर्ने क्रममा नेपाली समुदायमा अहिलेको विषम परिस्थितिमा सहयोगी हातमार्फत जोडिन पाउँदा मलाई अत्यन्त खुशी लागेको छ ।’ 

विहारबाट प्राप्त ‘फूड अफ लभ’ सोमवार नै नेपाल पत्रकार मञ्च आवद्ध पत्रकारलाई वितरण गरिएको छ ।