०२ असार २०८३, मंगलबार
भारतको बहुजन समाज पार्टी (बीएसपी) का राष्ट्रिय महासचिव तथा राज्यसभा सदस्य सतीशचन्द्र मिश्रले अयोध्या भ्रमणका विषयमा उत्तर प्रदेश सरकारले प्रश्न उठाएपछि भारतीय जनता पार्टीमाथि शाब्दिक आक्रमण गरेका छन् ।
‘बीएसपीले अयोध्यामा प्रबुद्ध वर्ग सम्मेलन आयोजना गर्दा भाजपाका मानिस आएर मलाई किन अयोध्या आएको, यो ठाउँ तिम्रो लागि हैन भने । यस्तो कुरा सुन्दा म आश्चर्यमा परें,’ उनले बताए ।
सन् २०२२ मा उत्तर प्रदेशमा हुन लागेको विधानसभा निर्वाचनअघि ब्राह्मण मतदाताहरूलाई फकाउने प्रयासलाई जारी राख्दै मिश्रले भाजपा ब्राह्मणविरोधी पार्टी भएको बताए । ब्राह्मण समुदायको कल्याणका लागि बीएसपी मात्र समर्थ रहेको उनले बताए ।
‘बीएसपीको प्रबुद्ध वर्ग सम्मेलनको भोलिपल्टै योगी आदित्यनाथले अयोध्या भ्रमण गरे । हाम्रो समूहबाट भाजपाले जोखिम अनुभव गर्छ भन्ने यसैबाट थाहा हुन्छ,’ मिश्रको भनाइ छ । आफूले अयोध्यामा विकासको एउटा काम पनि नदेखेको उनको भनाइ छ ।
राम मन्दिर निर्माणका लागि उठाएको पैसाको हिसाब सरकारले दिनुपर्ने मिश्रले बताए ।
