२१ असार २०८३, आइतबार
बलिउड नायिका शिल्पा सेट्टीका पति राज कुन्द्रा अश्लील चलचित्र बनाएको आरोपमा न्यायिक हिरासतमा छन् ।
राज कुन्द्राको गिरफ्तारीपछि शिल्पा सेट्टी र उनका परिवारलाई लगातार ट्रोल गरिएको छ ।
यसैबीच राज पक्राउपछि पहिलो पटक शिल्पा सार्वजनिक कार्यक्रममा देखिने भएकी छन् ।
हिन्दूस्तान टाइम्सका अनुसार शिल्पा १५ अगस्टमा ‘वी फर इन्डिया’मार्फत फेसबुकमा लाइभ हुनेछिन् । यो क्याम्पेनमा अर्जुन कपूर, विद्या बालन, दिया मिर्जा, करण जोहर, परिणिती चोपडा, सैफ अलि खान, सारा अलि खान, स्टिभन स्पिलवर्ग संगीतकार ए आर रहमान, रोलिङ स्टोन्सका मिक जैगरलगायत सहभागी छन् ।
राज पक्राउपछि शिल्पा डान्स रियालिटी शो ‘सुपर डान्सर’ मा पनि देखिएकी छैनन् ।
‘वी फर इन्डिया’ अभियानले कोभिड–१९ राहतका लागि सहयोग जुटाउने छ । जसबाट अक्सिजन कन्सन्ट्रेटर्स, भेन्टिलेटर, आवश्यक औषधि, आईसीयू युनिट लगायत सुविधा प्रदान गरिने छ ।
