आइएमई लाइफ इन्स्योरेन्स कम्पनी लिमिटेडले आइएमई धन सरिता (वार्षिक अग्रिम भुक्तानी सावधिक) जीवन बीमा योजना र सो योजना अन्तर्गत घातक रोगको रक्षावरण समेत हुने गरी २५ लाख रुपैंया बराबरको बीमा गरेका  हिमाल पौडेललाई उक्त रकम भुक्तानी गरेको छ ।

लिमिटेडको प्रदेश नं. ३, हेटौडा शाखा कार्यालयबाट २०७६ माघ २९ गते आइएमई धन सरिता (वार्षिक अग्रिम भुक्तानी सावधिक) जीवन बीमा योजना र सो योजना अन्तर्गत घातक रोगको रक्षावरण समेत हुने गरी बीमाङ्क रकम २५ लाख रुपैंया बराबरको बीमा गरेका पौडेललाई कम्पनीले उक्त रकम भुक्तानी गरेको हो ।

बीमा गरेको करिब १४ महिनाको अवधिमा नै क्यान्सर प्रमाणित भएका बीमितलाई कम्पनीले उक्त दाबी भुक्तानी गरेको हो । कम्पनीले पछिल्लो समय विभिन्न २१ घातक रोगहरू विरुद्ध रक्षावरण हुने बीमालेख योजना ल्याएको छ  ।

कम्पनीले दाबी भुक्तानी प्रकृया सहज बनाई छिटो तथा प्रभावकारी ढंगबाट दावी भुक्तानी फछ्र्यौट गर्ने लक्ष्य लिएको प्रमुख कार्यकारी अधिकृत कवि फुयाँलले जानकारी दिए । 

उनले दाबी भुक्तानी समयमा नै हुँदा बीमित तथा आश्रित परिवारहरुलाई बीमा वापतको लाभ समयमा उपलब्ध हुने, आर्थिक स्तरमा समेत थप सहयोग हुने र जीवन बीमा प्रति थप भरोसा रहने बताए ।

निवेदन प्राप्त भएको १५ दिन भित्र कम्पनीले उक्त दाबी भुक्तानी गरेको थियो ।