नेपाली कांग्रेसका सांसद मीनबहादुर विश्वकर्माले दक्ष जनशक्तिलाई पलायन हुन नदिन नर्सको तलब वृद्धि गर्नुपर्ने बताएका छन् ।

बीएन गरेका नर्सलाई अधिकृत स्तरको तलब र स्टाफ नर्सलाई नायब सुब्बा सरहको पारिश्रमिकको व्यवस्था गर्न उनको सुझाव छ ।

बिहीवार बसेको प्रतिनिधिसभा बैठकमा स्वास्थ्य राज्यमन्त्रीसँगको प्रश्नोत्तर कार्यक्रममा कांग्रेस सांसद विश्वकर्माले क्षमतावान नर्सहरू अत्यन्त कम पारिश्रमिकमा काम गरिरहेको भन्दै पारिश्रमिक बढाउन माग गरे ।

कोरोना महामारी नियन्त्रण र खोपको विषयमा स्वास्थ्य राज्यमन्त्री उमेश श्रेष्ठले संसदलाई जानकारी गराएका छन् । सरकारले चैत्र अन्तिमसम्ममा सबै नेपालीलाई नागरिकलाई खोप लगाउने बताएको छ ।