२२ जेठ २०८३, शुक्रबार
चीनको चङचोमा अघिल्लो महिना आएको विनाशकारी बाढीका कारण हजारौं कारहरू नष्ट भएका छन् ।
हेनान प्रान्तमा आएको प्राकृतिक विपतलाई कारहरूको भग्नावशेषले स्मरण गराइरहेका छन् ।
विगत एक दशकको सबभन्दा खतरनाक बाढीपछि उक्त क्षेत्रमा पुनर्निर्माणको काम चलिरहेको छ । त्यस बाढीमा परी ३०० भन्दा बढीको ज्यान गएको थियो भने हजारौं कार र भवनहरू क्षतिग्रस्त भएका थिए ।
‘जलस्तर बढेपछि हामीले आफ्ना वाहन छोडेर भाग्न बाध्य हुनुपरेको थियो,’ वाङ थर भएका एक स्थानीयले बताए ।
कम्तीमा २ लाख ३८ हजार गाडीहरूमा क्षति पुगेको र तिनलाई गाडीको कब्रिस्तान लगिएको हेनानका बीमा नियामक मा चाओले बताए ।
चङचोमा एक वर्ष बराबरको पानी जम्मा तीन दिनमा परेपछि सबवे स्टेसन, अन्डरग्राउन्ड कार पार्क र सुरुङमा फसेका सयौं मानिसको ज्यान गएको थियो ।
बाढीका कारण हजारौं कार र भवन क्षतिग्रस्त भएपछि १.७ अर्ब डलर बराबरको बीमा दाबी गरिएको बीमा कम्पनी गोल्डम्यान स्याक्सले जुलाई महिनामा प्रकाशित एक प्रतिवेदनमा उल्लेख गरेको छ ।
गत साता स्थानीय सरकारले बाढीका कारण २०.६५ अर्ब डलरभन्दा बढीको आर्थिक क्षति भएको र शीघ्र क्षतिपूर्ति दिने बताएको छ ।
