०९ साउन २०८३, शनिबार
प्रमुख प्रतिपक्षी दल नेकपा एमाले औपचारिक रूपमा विभाजन भएको छ ।
माधव नेपाल पक्षले नेकपा एमाले (समाजवादी) दर्ताका लागि निर्वाचन आयोगमा निवेदन दिएपछि एमाले विभाजनले औपचारिकता पाएको हो ।
नयाँ पार्टीको चुनाव चिह्न खुला किताब प्रस्ताव गरिएपनि दर्ता प्रक्रियामा नै रहेको अर्को दलसँग जुधेपछि त्यसलाई स्थगित गरिएको छ ।
अहिलेका लगि कुनै पनि चुनाव चिह्न प्रस्ताव नगरिएको नेता राजेन्द्र पाण्डेले जानकारी दिए ।
यसअघि नै कलम चिह्न लिएर दर्ता गरेको पार्टीसँग एकता पनि हुन सक्ने पाण्डेले बताए ।
माधव नेपालपक्षीय नेता जीवन राईले कलम चिह्न लिएर नेकपा एकीकृत नामको दल यसअघि नै आयोगमा दर्ता गराइसकेका छन् ।
