३१ जेठ २०८३, आइतबार
मंगलवार भारी अंकले गिरावट आएको शेयर बजारमा बुधवार पनि गिरावट कायमै रहेको छ ।
बुधवार नेप्से परिसूचक ४८.४२ अंकले घट्दै ३०७६.४४ विन्दुमा झरेको छ ।
यस दिन सेन्सेटिभ परिसूचक ९.६७ अंकले घट्दै ५६७.९९ विन्दुमा झरेको छ ।
यस दिन कारोबार रकम पनि १२ अर्बमा सिमित भएको छ ।
बुधवार कुल २ सय २७ कम्पनीको १ करोड ९५ लाख ९९ हजार कित्ता शेयर १२ अर्ब ९ करोड २१ लाख ३ हजार रुपैयाँ बराबरमा कारोबार भएको छ ।
यस दिन सबै समूहहरूको उप सूचक ऋणात्मक छ ।
बजार ऋणात्मक भएपनि जीवन विकास लघुवित्त वित्तीय संस्थाको शेयर मूल्यमा सकारात्मक सर्किट ब्रेक लागेको छ ।
