नयाँ दल दर्ताका लागि निवेदन दिएका नेकपा एकीकृत समाजवादी र लोकतान्त्रिक समाजवादी दलको सनाखत गरेको निर्वाचन आयोगका आयुक्तहरू बुधवार रातिसम्म कार्यालयमै रहेका छन् ।

आयुक्तहरू कार्यालयमै रहेर राति पौने ८ बजेसम्म पनि छलफल नै चलिरहेको आयोगका प्रवक्ता राजकुमार श्रेष्ठले जानकारी दिए ।

प्रमुख निर्वाचन आयुक्त दिनेशकुमार थपलियासहित आयुक्तहरू सनाखत भइसकेका दल दर्ताका निवेदनमाथि छलफल गरिरहेका छन् ।

बुधवार दिउँसो दुवै दलका तर्फबाट सांसद र केन्द्रीय कमिटीमा रहेका सदस्यहरूको सनाखत गरिएको थियो । 

नेकपा एमालेबाट विभाजित भई अध्यक्ष माधवकुमार नेपालको नेतृत्वमा एकीकृत समाजवादी र जसपाबाट विभाजित भई अध्यक्ष महन्थ ठाकुरको नेतृत्वको लोकतान्त्रिक समाजवादी दर्ताका लागि निवेदन परेको छ ।