१९ असार २०८३, शुक्रबार
राष्ट्रपति विद्यादेवी भण्डारीले प्रभुराम शर्मालाई प्रधानसेनापतिमा नियुक्त गरेकी छन् ।
कायममुकायम प्रधानसेनापतिको कार्यभार सम्हालिरहेका शर्मालाई भदौ २४ गतेदेखि लागू हुने गरी शुक्रवार नियुक्त गरिएको हो ।
नेपालको संविधानको धारा २६७ को उपधारा ५ बमोजिम उनलाई प्रधानसेनापतिमा नियुक्त गरिएको राष्ट्रपति कार्यालयका सहायक प्रवक्ता केशवप्रसाद घिमिरेले जनाएका छन् ।
शर्मालाई साउन २६ गतेदेखि लागू हुने गरी कामु प्रधानसेनापति तोकिएको थियो ।
भदौ २४ गतेबाट पूर्णचन्द्र थापाले प्रधानसेनापतिबाट अनिवार्य अवकाश पाउँदैछन् । थापा साउन २५ गतेबाट घर बिदामा बस्दै शर्मालाई नेतृत्व हस्तान्तरण गरिसकेका छन् ।
