०८ साउन २०८३, शुक्रबार
संघीय संसद सचिवालयले नेकपा एकीकृत समाजवादी पार्टीलाई संसदीय दलको कार्यालय उपलव्ध गराएको छ ।
संसद सचिवालयको भवन नम्बर १ को दोस्रो तलामा समाजवादीलाई दलको कार्यालय उपलव्ध गराइएको हो ।
भदौ २ गते नेकपा एमालेबाट अलग भई माधव नेपाल समूहले नेकपा एकीकृत समाजवादी गठन गरेका थिए ।
निर्वाचन आयोगले भदौ ९ मा आधिकारिकता दिएसँगै संसद सचिवालयले नेता नेपालको पार्टीलाई संसदीय दलको कार्यालय उपलव्ध गराएको हो ।
आइतवार बसेको सो पार्टीको संसदीय दलको बैठकले माधव नेपाललाई संसदीय दलको नेता चयन गरेको थियो ।
संसद सचिवालयको १ नम्बर भवनको पहिलो तलामा माधव नेपाल संसदीय दलको नेता भन्ने नेमप्लेट राखिएको छ ।
माधव नेपालको पार्टीमा प्रतिनिधि सभामा २३ र राष्ट्रिय सभाका ७ सांसद छन् ।
