२३ जेठ २०८३, शनिबार
अमेरिकी सेना अफगानिस्तानबाट हटेपछि तालिबानी लडाकूहरू काबुल विमानस्थलमा एउटा ट्रकमा शान देखाएर हिँड्दै गर्दा लडेका छन् ।
अमेरिकी सेनाको पोशाक लगाएका लडाकूहरू ट्रकमा घुमेका थिए ।
अमेरिका हिँडेपछि खुशी भएका लडाकूहरू पिकअपको पछाडि खचाखच भएर अटाएका थिए । केही लडाकू उभिएका थिए भने केही बसेका थिए ।
केही समयपछि बद्री ३१३ का दुई लडाकू र एक पत्रकार ट्रकको पछिल्लो भागबाट चिप्लिएर लडेका थिए । कालो मुश्लो धूवाँले उनीहरूलाई ढाकेको थियो अनि उनीहरू उत्तानो परेर पल्टेका थिए ।
यस्तो हास्यास्पद दृश्य देखिएपनि तालिबानले अमेरिकामा बनेका बन्दूक र सशस्त्र वाहन लिएर रमाउँदै यताउता गरेका थिए । संसारको सबभन्दा धेरै बजेट भएको सेनालाई हराएर उनीहरू प्रफुल्लित थिए ।
