अस्ट्रेलियाविरुद्धको शृंखला जितेर उच्च मनोबल हासिल गरेको बंगलादेशले बुधवार न्युजील्यान्डविरुद्धको शृंखलाको पहिलो टी२० मा शानदार प्रदर्शन गरेको छ । 

ढाकाको शेरे बंगला राष्ट्रिय रंगशालामा टस जितेर ब्याटिङ रोजेको न्युजील्यान्ड जम्मा ६० रनमा अलआउट भएको छ । 

बंगलादेशका सबै बलरले धारिलो बलिङ गर्दै न्युजील्यान्डका ब्याट्स्म्यानहरूलाई आच्छुआच्छु पारेका थिए । मुस्तफिजुर रहमानले तीन विकेट हात पारे भने नसुम अहमद, शाकिल उल हसन र सैफुद्दीनले दुई–दुई विकेट लिए । 

न्युजील्यान्डका टम लाथम र हेनरी निकोल्सले मात्र दोहोरो अंकमा रन बनाउन सके । उनीहरू दुवैले समान १८–१८ रन बनाए । 

जवाफमा बंगलादेशले समाचार तयार पार्दासम्म एक ओभरमा १ रन बनाएको छ ।