प्रमुख प्रतिपक्षी दल नेकपा एमालेको विरोधका बावजुद सरकारले संसदमा राजनीतिक दलसम्बन्धी अध्यादेश पेश गरेको छ ।

बुधवार बसेको प्रतिनिधि सभा बैठकको तेस्रो बैठकमा गृहमन्त्री बालकृष्ण खाणले राजनीतिक दलसम्बन्धी अध्यादेश टेबल गरेका हुन् ।

यही अध्यादेशका कारण नेकपा एमाले र जसपा विभाजन भएका थिए ।

नेकपा एमालेका सांसदको विरोध छलेर गृहमन्त्री खाण संसद्को रोष्ट्रममा पुगेका थिए । एमाले सांसदहरू रोस्ट्रमतर्फ अगाडि बढ्न खोज्दा मर्यादापालकले रोकेका थिए । 

राजनीतिक दलसम्बन्धी अध्यादेश टेबल गरेसँगै प्रतिनिधि सभाको बैठक शुक्रवारसम्मका लागि स्थगित भएको छ ।

माधव नेपाल लगायत १४ सांसदमाथिको कारवाही सदर नगरेको विरोधमा बुधवारका तीनवटै बैठकमा एमालेले नाराबाजी गरेको थियो ।