हास्य श्रृङ्खला तथा हास्य सामग्रीका दर्शकहरु बढ्दै गएको अवस्थामा नयाँ शैलीको हास्य टेली चलचित्र “उकुसमुकुस” बुधवार साँझदेखि प्रशारण भएको छ ।

हास्य कलाकार दिलिप तामाङ “हुरहुर” को कथा तथा निर्देशनमा तयार भएको हास्य श्रृङ्खला युट्युब च्यानल ‘आमा अग्नीकुमारी’ बाट असोज ६ गते बुधबार साँझ ७ बजेदेखि प्रशारण भएको हो । 

गोल्ड फिल्मसको निर्माणमा तयार पारिएको शृङ्खलाका निर्माता नहकुल भट्टराई हुन् ।

केदार घिमिरे “माग्ने बूढा” को संवादमा तयार पारिएको हास्य श्रृंखलाको पटकथा दिपक लम्साल र टुल्कु तामाङको रहेको छ । त्यसैगरि सितादेवी तिमल्सिना शृङ्खलामा सहायक निर्देशकको जिम्मेवारीमा छिन् । 

हास्य कलाकार तथा शृङ्खलाका निर्देशक दिलिप तामाङ “हुरहुर” र जयनन्द लामाको जोडदार प्रस्तुती शृङ्खलामा देख्न सकिन्छ । त्यसैगरी धनराम मुस्कान, देवी आले “सुन बूढी”, भुईसाल लामा, प्रकाश लिम्बु, बेदना राई, नहकुल भट्टराई, दिपक लम्साल, टुल्कु तामाङ, सोहन थापा लगायत कलाकारहरुले हास्य शृङ्खलामा अभिनय गरेका छन् । 

निर्देशक तामाङ्का अनुसार हास्य श्रृङ्खला फरक परिवेशमा तयार पारिएको छ ।

“दर्शकहरुले देखिरहनु भएका धेरै कलाकारहरुको सामुहिक कामबाट तयार भएको श्रृङ्खला उत्कृष्ट बनेको छ,” निर्देशक हुरहुरले भने । 

“तत्काललाई युट्युब च्यानलबाट मात्र प्रशारण सुरु भएको यो कार्यक्रम केही समय पछि टेलिभिजनको पर्दामा पनि हेर्न सकिन्छ । त्यसको तयारी भईरहेको छ” शृङ्खलाका निर्माता भट्टराईले भने ।