२१ जेठ २०८३, बिहीबार
एएफसी महिला एसियन कप–२०२२ छनोटका लागि उज्वेकिस्तान पुगेका नेपाली राष्ट्रिय महिला फूटबल टोली बिहीवार स्वदेश फर्किएको छ ।
अखिल नेपाल फूटबल संघ (एन्फा) का पदाधिकारीले टोलीलाई स्वागत गरेका थिए । प्रतियोगितामा समूह ‘एफ’मा रहेको नेपाल समूह चरणबाट बाहिरिएको थियो । दोस्रो चरणमा गत मंगलवार भएको खेलमा नेपाल हङकङसँग गोलरहित बराबर भएपछि समूह चरणबाटै बाहिरिएको हो ।
नेपालले छनोट चरणमा २ खेल खेलेकामा पहिलो चरणमा फिलिपिन्ससँग २–१ गोल अन्तरले पराजित भएको थियो । २ खेलमा नेपालले १ अंक मात्र जोडेकाले अंक तालिकाको अन्तिम स्थानमा पुगेको थियो ।
