पासपोर्ट लिन दिनभर लाइन लाग्नुपर्ने समस्या टर्दै, दशैंतिहारपछि अनलाइन सिस्टम [भिडियो रिपोर्ट]

विश्वास खनाल
विश्वास खनाल

खनाल लोकान्तरका मल्टिमिडिया संवाददाता हुन् ।

केशरमहलस्थित राहदानी विभाग छेउछाउ पुग्नुभयो भने निकै भीडभाड देख्नुहुनेछ, लाग्छ कुनै सस्तो बजार वा मेला लागिरहेको छ ।


Advertisement

भीडलाई सडक पार गराउन र सवारीसाधनलाई व्यवस्थित गर्न ट्राफिक प्रहरीलाई समेत हम्मेहम्मे परेको देख्न सकिन्छ ।


Advertisement

तर, यो भीड कुनै सस्तो बजार वा मेलाको भने होइन । यो भीड त वैदेशिक रोजगारीमा जानका लागि राहदानी बनाउन आउनेको हो ।

राहदानी बनाउन आएका दाङका तिलक खत्री चार दिनदेखि राहदानी विभागको चक्कर काटिरहेका छन् ।


Advertisement

कहिले पालो आउने बेला समय सकियो भनेर फर्काइदिन्छन् कहिले भोकभोकै बिहानैदेखि चर्को घाममा लाइन बस्नुपरेको उनी बताउँछन् ।

तिलकजस्तै पीडित बागलुङका नारायण खड्का पनि हुन् । उनले राहदानी भने पाए तर द्रुत गतिमा राहदानी लिने शुल्क तिरे पनि धेरै चक्कर काट्न परेको उनको गुनासो छ ।

राहदानी विभागका निर्देशक एवं प्रवक्ता राजेन्द्र पाण्डेले सीमित जनशक्तिमा काम गर्नु परेकाले दिनमा ८०० भन्दा बढी लिन नसकिने बताए ।

उनले इलेक्ट्रोनिक राहदानीको तयारी भइरहेकाले कात्तिक अन्तिमबाट समस्या समाधान हुने बताए ।

इलेक्ट्रोनिक राहदानीको तयारी सकिएपछि सहज हुने भए पनि हालको समस्यालाई भने नजरअन्दाज गर्न मिल्दैन ।

सेवाग्राहीसँग द्रुत गतिमा राहदानी बनाउने रकम असुल गर्ने तर उनीहरूलाई छिटोछरितो सेवा कहिल्यै दिन नसक्ने हाम्रो सरकारी निकायको नियति नै भइसक्यो । यसमा सुधार जरूरी छ ।

 

विश्वास खनाल
विश्वास खनाल

लेखकबाट थप...

कमेन्ट गर्नुहोस्