शिक्षा तथा मानव स्रोत विकास केन्द्रले सामुदायिक विद्यालयका कर्मचारीको उमेर हद ६० वर्ष भएकाले सोहीअनुसार व्यवस्था गर्न निर्देशन दिएको छ । 

केन्द्रले सबै स्थानीय तह र शिक्षा विकास तथा समन्वय इकाइलाई परिपत्र गर्दै सो बमोजिम व्यवस्था गर्न निर्देशन दिएको हो । 

२०६९ मंसिर १० गतेको मन्त्रीस्तरीय निर्णयले ‘विद्यालयमा कार्यरत कर्मचारीको उमेर हद शिक्षक सरह ६० वर्ष हुन र सो को निर्देशन सबै क्षे.शि.नि तथा जि.शि.का. मा दिन,’ निर्देशन दिएको थियो । 

शिक्षा तथा मानव स्रोत विकास केन्द्रका सूचना अधिकारी माधवप्रसाद दाहालले पहिले पनि ६० वर्ष नै भएको तर, विभिन्न समस्या आएपछि अहिले फेरि परिपत्र गर्नुपरेको बताए ।