२४ जेठ २०८३, आइतबार
प्रमुख प्रतिपक्षी दल नेकपा एमालेको अवरोधपछि प्रतिनिधि सभा बैठक असोज २२ गते शुक्रवारसम्मको लागि स्थगित भएको छ ।
मंगलवार बसेको प्रतिनिधि सभाको दशौं बैठकपछि एमालेले अवरुद्ध गरेको हो । एमालेको विरोध अवरोधका बाबजुद सरकारले राष्ट्रिय दलित आयोगको वार्षिक प्रतिवेदन २०७६/०७७ पेश गरेको छ । प्रधानमन्त्री शेरबहादुर देउवाको तर्फबाट कानूनमन्त्री ज्ञानेन्द्रबहादुर कार्कीले प्रतिवेदन पेश गरेका थिए ।
सभामुख अग्नि सापकोटाले संसद अवरोध अन्त्य गर्न एमालेसँग आग्रह गरेपछि एमालेले नाराबाजी रोकेन । माधव नेपाल लगायत १४ सांसदलाई पदमुक्त गर्न गरिएको सिफारिश सभामुख सापकोटाले कार्यान्वयन नगरेको भन्दै एमालेले भदौ २३ गतेदेखि संसद अवरुद्ध गर्दै आएको छ ।
