कात्तिक १८, २०८०
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
असोज २०, २०७८
प्रधानमन्त्री शेरबहादुर देउवाले प्रधानमन्त्री पदको शपथ लिएको ८६ दिनपछि मन्त्रिपरिषद् विस्तारका लागि दलहरू आन्तरिक छलफलमा जुटेका छन् ।
भागबण्डा मिलेपछि दलहरूले मन्त्री बन्नेहरूको नाम तय गर्न आन्तरिक छलफल गरिरहेका हुन् ।
मन्त्री छान्न प्रमुख सत्तारुढ दल नेपाली कांग्रेसका वरिष्ठ नेता रामचन्द्र पौडेल तथा कृष्ण सिटौला पक्षको छुट्टाछुट्टै बैठक बस्दैछ ।
पौडेल पक्षको बैठक दिउँसो ३ बजेका लागि तय भएको सो समूहका एक नेताले जानकारी दिए ।
प्रधानमन्त्री शेरबहादुर देउवाले पौडेलसँग मन्त्रीका लागि २ जनाको नाम पठाउन आग्रह गरेका छन् ।
पौडेल समूहले सुजाता कोइराला, मीनेन्द्र रिजाल, दीलेन्द्र बडू र तेजुलाल चौधरीमध्येबाट नाम पठाउने सम्भावना रहेको स्रोतले बतायो ।
माधव नेपाल सरकारमा उपप्रधानमन्त्री रहेकी सुजाताले उपप्रधानमन्त्री पाउनु पर्ने दाबी गरेकी छिन् ।
प्रधानमन्त्री देउवाले भने उपप्रधानमन्त्री नबनाउने बताएका छन् ।
चौधरी सप्तरीबाट प्रत्यक्ष निर्वाचित सांसद हुन भने बडू सुदूरपश्चिमबाट समानुपातिक सांसद हुन् ।
देउवाले सिटौलासँग एक जना मन्त्रीको नाम मागेका छन् ।
सिटौला समूहले उमाकान्त चौधरी या भीमसेनदास प्रधानलाई मन्त्री बनाउने तयारी गरेको छ ।
चौधरीको नाममा सहमति जुट्ने सो समूहका एक नेताले दाबी गरे । सिटौला समूहले दिउँसो जमलमा बैठक राखेको छ ।
सत्तारुढ गठबन्धनका दलले मंगलवार मन्त्रालयको भागबण्डा टुंग्याएका थिए । जसअनुसार कांग्रेसले ८, माओवादी केन्द्रले ५ मन्त्रालय (एक राज्यमन्त्रीसहित) तथा नेकपा एकीकृत समाजवादी र जनता समाजवादी पार्टीले चार–चार मन्त्रालय लिने सहमति भएको छ ।
कांग्रेसको संस्थापन पक्षबाट यसअघि तीनजना मन्त्री बनिसकेका छन् । गठबन्धनको भागबण्डा मिलाउँदा कानून मन्त्रालय नेकपा एकीकृत समाजवादीको पक्षमा गएकाले ज्ञानेन्द्रबहादुर कार्कीको जिम्मेवारी हेरफेर हुने सम्भावना रहेको स्रोतले बतायो ।
मन्त्रीका लागि देउवा पक्षबाट पुष्पा भुसाल, डा. डिला संग्रौला लगायत आकांक्षी छन् । गृह र परराष्ट्र मन्त्रालय लिइसकेको कांग्रेसले सञ्चार, रक्षा, उद्योग वाणिज्य तथा आपूर्ति मन्त्रालय पाउने छ ।
अर्थ र उर्जा मन्त्रालय सम्हालिसकेको माओवादीले शिक्षा तथा विज्ञान प्रविधि, भूमि व्यवस्था तथा गरिवी निवारण र खानेपानी मन्त्रालय पाउने छ ।
माओवादीका तर्फबाट देवेन्द्र पौडेल, सुदन किराँती, शशि श्रेष्ठ र अञ्जना विशंखे मन्त्रीका आकांक्षी छन् ।
नेकपा एसले श्रम तथा रोजगार, संस्कृति पर्यटन तथा नागरिक उड्यन मन्त्रालय, शहरी विकास र कानून, न्याय तथा संसदीय व्यवस्था मन्त्रालय पाउने भएको छ ।
नेकपा एसबाट विरोध खतिवडा, रामकुमारी झाँक्री, जीवनराम श्रेष्ठ र मेटमणि चौधरी मन्त्री बन्ने सम्भावना रहेको स्रोतको भनाइ छ ।
भवानी खापुङ, प्रेम आले, किसान श्रेष्ठ पनि मन्त्रीका आकांक्षी छन् ।
जसपाले भौतिक पूर्वाधार, कृषि तथा पशुपंक्षी विकास मन्त्रालय, संघीय मामिला तथा सामान्य प्रशासन मन्त्रालय र वन तथा वातावरण मन्त्रालय पाउने तय भएको छ ।
जसपाका तर्फबाट महिन्द्रराय यादव, राजेन्द्र श्रेष्ठ, रेणु यादव, मोहम्मद इस्तियाक राई, प्रदीप यादव र प्रमोद साह लगायत आकांक्षी छन् । मन्त्री बन्नका लागि सांसदहरूले पार्टीभित्र लबिङ गरिरहेका छन् ।
सत्ता साझेदार दलहरूले मन्त्रीको नामावली बुझाएलगत्तै मन्त्रिपरिषद् विस्तार गर्ने प्रधानमन्त्री देउवाको तयारी रहेको बालुवाटार स्रोतले जानकारी दियो ।
बिहीवार सार्वजनिक बिदा परेकाले ढिलोमा शुक्रवारसम्म मन्त्रीहरूलाई शपथ गराएर सरकारलाई पूर्णता दिने प्रधानमन्त्रीको तयारी छ ।
प्रधानमन्त्री देउवाले असार २९ गते शपथ लिएर सानो आकारको मन्त्रिपरिषद् बनाएका थिए ।
शुरूमा माधव नेपालको पार्टीले आधिकारिता पाएपछि मन्त्रिपरिषद् विस्तार गर्ने भनिएकोमा पछि राजनीतिक दलसम्बन्धी अध्यादेश निष्क्रिय बनाएर मात्र मन्त्रिपरिषद् विस्तार गर्नुपर्ने जसपाको अडानका कारण मन्त्रिपरिषद्ले पूर्णता पाउनमा ढिलाइ भएको थियो ।
भूकम्पमा परेर रुकुम पश्चिमबाट उद्धार गरी काठमाडौं ल्याइएकी ६३ वर्षीया वृद्धा बली बुढाथोकीले आफूले नसोचेको घटना भोग्नु परेको बताएकी छिन् । उपचारका लागि त्रिवि शिक्षण अस्पताल महाराजगञ्जमा ल्याइएकी बुढाथोकीले आफू ...
जाजरकोटको रामीडाँडालाई केन्द्रबिन्दु बनाएर गएराति गएको ६.४ म्याग्निच्यूडको भूकम्पका कारण धनजनको ठूलो क्षति भएको छ । नेपाल प्रहरीले दिएको तथ्यांकअनुसार १२९ जनाको मृत्यु भइसकेको छ भने १४० जना घाइते छन् ।...
जाजरकोट भूकम्पमा ज्यान गुमाउनेमध्ये आधा बढी बालबालिका रहेका छन् । नेपाल प्रहरीले उपलब्ध गराएको तथ्याङ्क अनुसार कात्तिक १७ गते राति गएको भूकम्पबाट मृत्यु भएका १५३ मध्ये ७८ बालबालिका छन् । जाजरक...
शुक्रवार मध्यरातिको भूकम्पमा परेर मृत्यु भएकी जाजरकोट भेरी नगरपालिकाकी ८ वर्षीया विष्णु तिरुवाको दाहसंस्कारका लागि आफन्त र गाउँलेहरू सोमवार भेरी नदी घाटमा पुगेका थिए । सोमवार अपरान्ह उनको शव लिएर मलामी...
सरकारी जग्गा हिनामिना प्रकरणमा डलर अर्बपति एवं कांग्रेस सांसद विनोद चौधरी पनि तानिएका छन् । बाँसबारी छाला जुत्ता कारखानाको जग्गा हडपेको आरोपमा भाइ अरुण चौधरी पक्राउ परेलगत्तै विनोद चौधरीले समेत संल...
गत शुक्रबार राति गएको भूकम्पले जाजरकोट र रुकुम पश्चिम तहसनहस बनेका छन् । बाक्लो बस्ती रहेका बस्ती भूकम्पले उजाड बनेका छन् । प्रभावित क्षेत्रमा सन्नाटा छाएको छ । बाँचेकाहरू शोक र पीडामा छन् । ...
धेरै पहिलेको कुरा हो एक जना सज्जनका दुई भाइ छोरा थिए । उनीहरूबीच निकै मिल्ती थियो । एकपटक भगवान्ले आएर वरदान माग भनेकाले उनीहरूले अमरताको वर मागेका थिए । उनीहरूको कुरा सुनेर भगवान्ले भने– ‘...
ललितपुरको गोदावरीस्थित सनराइज हलमा नेकपा (एमाले)का दुई महत्वपूर्ण कार्यक्रम भए । एमालेको प्रथम विधान महाधिवेशन (२०७८ असोज १५ र १६ गते) सनराइज हलमै भएको थियो । विधान महाधिवेशनले विभाजनदेखि चौतर्फी घेराबन्दी...
हामी १५औं अन्त्य गरेर १६औं योजनाको तयारीमा जाँदै छौं । दलका शीर्ष नेताबीच १६औं योजनाको विषयमा छलफल भएको छ । १५औं योजनाको असफलता र नमिलेका कुरालाई १६औं मा सुधार्छौं । हाम्रो गन्तव्य कहाँ हो भन्ने संविधानले ...