२१ जेठ २०८३, बिहीबार
इजरायलका पुरातत्त्ववेत्ताहरूले जेरुसेलममा दुर्लभ प्राचीन शौचालय फेला पारेका छन् । उक्त शौचालय २७ सय वर्षभन्दा पुरानो हो ।
पुरातत्त्व विभागका अनुसार, चिल्लो, चुनढुंगाबाट बनेको शौचालय आयाताकार क्याबिनमा पाइएको हो । त्यो एक विशाल महलको शौचालय हो ।
आरामले बस्नका लागि शौचालय बनाइएको डिजाइनबाट देखिन्छ । त्यसमुनि गहिरो सेप्टिक ट्यांक खनिएको थियो ।
उत्खनन परियोजनाका निर्देशक याकोब बिलिगले बताए, ‘प्राचीन समयमा निजी शौचालय कक्ष दुर्लभ हुन्थ्यो । त्यसको संख्या सीमित थियो । धनीले मात्र निजी शौचालय बनाउन सक्थे ।’
महलमा शौचालय हुनु धनाढ्यको निशानी भएको एक रब्बाइले बताएको जानकारी बिलिगले बताए ।
सेप्टिक ट्यांकमा पाइएको जनावरको हड्डी र माटोको भाँडोले त्यतिखेरका मानिसको जीवनशैली र आहारका साथै प्राचीन रोगहरूको जानकारी दिन्छ ।
