कोरोना खोप लगाउन घरमा आएका चिकित्सकलाई डराउन यी महिलाले सर्प देखाएपछि ...

कोरोना खोप लगाउन घरमा आएका चिकित्सकलाई डराउन यी महिलाले सर्प देखाएपछि ...

कोरोना भाइरस संक्रमणको जोखिम कम गर्न यतिबेला भारतमा खोप अभियान नै सञ्चालन भएको छ । विश्वका अधिकांश देशका नागरिकले खोपको प्रतीक्षा समेत गरिरहेका छन् ।


Advertisement

भारतको राजस्थानमा भने महिलाले खोप लगाउन घरमै आएका चिकित्सकलाई डराउन सर्प देखाएको घटना सार्वजनिक भएको छ ।


Advertisement

भारतीय सञ्चारमाध्यमका अनुसार खोप अभियान चलिरहेका बेला राजस्थानको अजमेर जिल्लास्थित पीसांगन उपखण्ड क्षेत्रकी महिला कमला देवीले खोप लगाउन चाहिनन् । तर सरकारी अधिकारीले खोप लगाउनैपर्ने आग्रह गरे ।

कमलालाई खोप लगाउने इच्छा नभएकाले उनले उपाय निकालिन् । आफूसँग भएको सर्प निकालेर कमलाले चिकित्सकलाई डराउन र धम्क्याउन खोजिन् । खोप लगाउन जबरजस्ती गरेमा सर्प शरीरमा फ्याँकिदिने धम्की समेत कमलाले दिइन् ।


Advertisement

चिकित्सकसँग वादविवाद चलिरहेका बेला त्यहाँ स्थानीयको भीड जुट्यो । अन्य स्थानीयले भने सहजै खोप लगाइरहेका थिए । पछि स्थानीयले सम्झाइबुझाइ गरेर कमलालाई पनि खोप लगाउन राजी गरिएको भारतीय सञ्चारमाध्यमले जनाएका छन् । 

एजेन्सी
एजेन्सी

लेखकबाट थप...

कमेन्ट गर्नुहोस्