२१ जेठ २०८३, बिहीबार
डडेल्धुरामा पहिरोमा पुरिएर एक जनाको मृत्यु भएको छ । गन्यापधुरा गाउँपालिका–१ भात्काडाका ३२ वर्षीय विष्णु अवस्थीको ज्यान गएको हो ।
प्रदेश प्रहरी कार्यालय धनगढीका अनुसार घरमाथिबाट आएको पहिरोमा पुरिएर एक जनाको मृत्यु भएको छ ।
प्रदेश प्रहरीका प्रहरी वरिष्ठ उपरीक्षक बिक्रम चन्दले एक जनाको मृत्यु भएको जानकारी दिए ।
यस्तै अमरगढी नगरपालिका–१ मा गएको पहिरोमा परी २ जना घाइते भएका छन् । उनीहरूको डडेल्धुरा अस्पतालमा उपचार भइरहेको प्रहरी वरिष्ठ उपरीक्षक चन्दले बताए ।
