२२ जेठ २०८३, शुक्रबार
शिक्षा, विज्ञान तथा प्रविधिमन्त्री देवेन्द्र पौडेलले शिक्षक सेवा आयोगको नियमावली २०५७ (नवौं संशोधन) २०७१ मा आवश्यक संशोधन गरी शिक्षक पदपूर्तिको प्रक्रिया आरम्भ गर्न मन्त्रालयका उच्च अधिकारी र शिक्षक सेवा आयोगका पदाधिकारीलाई निर्देशन दिएका छन् ।
राज्यमन्त्री बोधमाया कुमारी यादवका साथ ब्रिफिङ लिने क्रममा मन्त्रालयका सचिव रामप्रसाद थपलिया, आयोगका अध्यक्ष मधुप्रसाद रेग्मी लगायतलाई मन्त्री पौडेलले निर्देशन दिए ।
नियमावलीमा रहेका नियुक्ति प्रक्रिया ऐन, कानून तथा शिक्षक समुदायको सहमतिबमोजिम योग्यता, अध्यापन अनुमतिपत्र लगायत विषयमा सहजीकरणका लागि संशोधन गर्न लागिएको छ ।
मुलुकभर करीब ५४ हजार शिक्षक दरबन्दी अभाव रहेकामा आयोगले हाल करीब १८ हजार शिक्षकका लागि विज्ञापन गर्ने तयारी गरेको छ ।
