३० जेठ २०८३, शनिबार
लागूपदार्थ केसमा धरौटीमा रिहा हुन नसकेका आर्यन खानलाई भेट्न शाहरुख खान बिहीवार बिहान आर्थर रोड जेल पुगेका छन् ।
छोरासँग उनले लगभग २० मिनेट समय बिताए ।
बुधवार मुम्बईको सेसन्स कोर्टले आर्यन खानलाई धरौटीमा रिहा गर्न नमिल्ने फैसला सुनाएको छ ।
छोराको विषयमा शाहरुख तीन हप्तादेखि चिन्तित छन् । उनले छोरालाई प्रत्यक्ष भेट्न नपाएको लामो समय बितिसकेकाले अधैर्य भएर आफैं भेट्न पुगे । लगभग २० मिनेट उनी जेलमा बसे अनि त्यहाँबाट निस्के ।
पहिलापहिला शाहरुखले आर्यनसँग भिडियो कलमा कुरा गर्ने गरेका थिए । अहिले चाहिँ उनी आफैं जेलमा छोरा भेट्न पुगेका हुन् ।
शीशाको पर्खालबाट इन्टरकमको सहायताले बाउछोराबीच कुराकानी भएको थियो । कुराकानीका बेलामा चारजना गार्ड पनि उपस्थित थिए ।
शाहरुखलाई जेलमा कुनै विशेष व्यवहार गरिएन । उनको आधार कार्ड लगायतका कागजात हेरियो अनि टोकन दिएर भित्र पठाइयो ।
#WATCH Actor Shah Rukh Khan reaches Mumbai's Arthur Road Jail to meet son Aryan who is lodged at the jail, in connection with drugs on cruise ship case#Mumbai pic.twitter.com/j1ozyiVYBM
— ANI (@ANI) October 21, 2021
