१३ असार २०८३, शनिबार
भारतले कोरोनाभाइरसविरुद्ध १ अर्ब खोप लगाएर ऐतिहासिक सफलता प्राप्त गरेको छ ।
अहिले भारतमा १८ वर्षभन्दा माथिका ७४.९ प्रतिशत मानिसले कम्तीमा एउटा डोज लगाइसकेका छन् भने ३०.९ प्रतिशतले दुवै डोज लगाएका छन् ।
देशमा कोभिड–१९ खोपको आँकडा एक अर्ब पुगेपछि प्रधानमन्त्री नरेन्द्र मोदीले बधाई दिएका छन् । उनले ट्वीटमा लेखे, ‘यो उपलब्धि हासिल गर्नका लागि काम गर्ने हाम्रा चिकित्सक, नर्स र अन्य सबैलाई धन्यवाद छ ।’
भारतमा गत जनवरी १६ बाट खोप अभियान शुरू गरिएको थियो । त्यतिखेर स्वास्थ्यकर्मी र फ्रन्टलाइनका मानिसलाई खोप दिइएको थियो ।
मे १ बाट १८ वर्षमाथिका सबै मानिसलाई खोप लगाउने घोषणा गरियो । सबभन्दा संक्रमित शहरबाट यसको आरम्भ गरिएको थियो ।
अहिले देशमा ६३ हजार ४६७ केन्द्रमा खोप लगाइँदैछ ।
