३१ जेठ २०८३, आइतबार
भारतका प्रधानमन्त्री नरेन्द्र मोदीले संयुक्त राष्ट्रसंघका महासचिव एन्टोनियो गुटेरसलाई कोप२६ मा अँगालो हाल्दा गुटेरसले अप्ठ्यारो मानेका छन् ।
ग्लास्गो सम्मेलनको आरम्भमा मोदी र गुटेरसको अडमिल्दो अँगालोको तस्वीर र भिडियो सार्वजनिक भएको हो ।
मोदीले विदेश जाँदा त्यहाँका शीर्ष नेताहरूलाई अँगालो हाल्ने गरेका छन् ।
उनले बेलायतका प्रधानमन्त्री बोरिस जोनसन, लक्जेम्बर्गका जेभियर बेटल र क्यानडाका जस्टिन ट्रुडोलाई अँगालो हालेका थिए ।
कोप२६मा मोदीले सन् २०७० सम्ममा नेट जिरो कार्बन उत्सर्जनको लक्ष्य हासिल गर्ने बताए जबकि सम्मेलनले त्यसको दुई दशकअघिको लक्ष्य राखेको छ ।
कोप२६ को शुरूआती दिनमा व्यवस्थापनसम्बन्धी अनेकौं समस्या देखिएका छन् । लामो लाइन लाग्नुपरेका सरकारी अधिकारीहरूले बैठकमा भाग लिन नपाएको बताइएको छ ।
सोमवार बिहान हजारौं सहभागीहरू बाहिरको जाडोमा ९० मिनेटसम्म काँप्दै बस्नुपरेको थियो । बैठकमा भाग लिन नपाएपछि सहभागीहरूले रद्दी व्यवस्थापकहरूप्रति आक्रोश पोखेका थिए ।
