२८ जेठ २०८३, बिहीबार
जनताको सेवाका लागि जनताबाटै निर्वाचित भएका जनप्रतिनिधिले घुस माग्छन् भन्ने सामान्य मानिसले सोच्न पनि सक्दैनन् तर सर्लाहीमा भने अख्तियार दुरुपयोग अनुसन्धान आयोगले २ वडा सदस्यलाई घुस रकमसहित पक्राउ गरेको छ ।
आयोगका अनुसार १ लाख ५० हजार रुपैयाँ घुस लिएको अभियोगमा ईश्वरपुर नगरपालिका–११ का वडा सदस्यद्वय सोनेलाल साह र उमेश रायलाई मंगलवार पक्राउ गरिएको छ ।
आयोगका प्रवक्ता नारायणप्रसाद रिसालका अनुसार ढलानसम्बन्धी काम सम्पन्न भए पश्चात् उपभोक्ता समितिलाई कार्यसम्पन्न सिफारिस गरिदिएवापत वडा सदस्यद्वयले घुस माग्दै गरेको भन्ने सूचनाका आधारमा आयोगको बर्दिबासबाट गएको टोलीले दुवै जनालाई पक्राउ गरेको हो ।
उनीहरूलाई सर्लाहीको लालबन्दी–७ स्थित सोनेलाल साहको कृष्ण इन्टरप्राइजेजबाट घुससहित पक्राउ गरिएको हो ।
