आसन्न १० औं राष्ट्रिय महाधिवेशनको विषयमा छलफल गर्न मंगलवार नेकपा एमालेको स्थायी कमिटी बैठक बस्दै छ । 

बैठक मंगलवार बिहान ११ बजे ललितपुरको च्यासलस्थित तुल्सीलाल स्मृति प्रतिष्ठानमा बस्ने एमाले केन्द्रीय कार्यालय सचिव शेरबहादुर तामाङले जानकारी दिए । 

यसअघि बैठक सोमवार दिउँसो बस्ने भनिएपनि अन्तिम समयमा सरेको थियो । 

बैठकमा राष्ट्रिय महाधिवेशनको तयारी तथा ५ प्रतिशत महाधिवेशन प्रतिनिधि मनोनयनको मापदण्डबारे छलफल हुने बताइएको छ ।

यही मंसिर १० देखि १२ गतेसम्म चितवनमा हुने एमालेको १०औँ राष्ट्रिय महाधिवेशनमा झण्डै २ हजार प्रतिनिधि सहभागी हुनेछन्।