०६ असार २०८३, शनिबार
अमेरिकाका राष्ट्रपति जो बाइडनले ताइवानलाई लोकतन्त्रहरूको शिखरसम्मेलनमा निमन्त्रण गरेपछि चीनले त्यसको आलोचना गरेको छ ।
ताइवानलाई चीनले आफ्नै एक प्रान्त मान्ने गरेको छ भने अमेरिकाले पनि आधिकारिक रूपमा ताइवानलाई सार्वभौम मुलुक मान्ने गरेको छैन ।
अमेरिकामा डिसेम्बर ९ र १० मा आयोजना गर्न लागिएको भर्चुअल शिखर सम्मेलनमा ११० देशलाई निम्तो गरिएकोमा ताइवान पनि त्यसमा परेको हो ।
ताइवानका डिजिटल मन्त्री अड्रे ताङ र वाशिङटनमा ताइवानका वस्तुगत राजदूत ह्सियाओ बी–खिमले उक्त सम्मेलनमा भाग लिने भएका छन् ।
‘यस सम्मेलनमार्फत ताइवानले लोकतान्त्रिक सफलताको कथा साझा गर्न पाउनेछ,’ ताइवानको राष्ट्रपति कार्यालयका प्रवक्ता जेभियर चाङले सञ्चारकर्मीहरूलाई बताए ।
चीनको परराष्ट्र मन्त्रालयका प्रवक्ता चाओ लीच्यानले बेइजिङ कथित लोकतन्त्र शिखर सम्मेलनमा ताइवानका अधिकारीलाई अमेरिकाले बोलाएको कुराको घोर विरोध गर्छ भने ।
रुस सरकारले पनि ताइवानलाई शिखर सम्मेलनमा बोलाउने अमेरिकाको कदमलाई निन्दा गरेको छ ।
