२३ जेठ २०८३, शनिबार
नेपाल जित कुन्डो मार्सल आर्ट संघको आयोजनामा दोश्रो टोखा नगरपालिका मेयर कप आमन्त्रण जित कुन्डो मार्सल आर्ट प्रतियोगिता बिहीवारदेखि हुने भएको छ ।
प्रतियोगितामा विभिन्न १५ जिल्ला, एपीएफ र भारतबाट १ सय भन्दा बढी खेलाडीको सहभागिता रहने आयोजक संघका कार्यवाहक अध्यक्ष रामबहादुर ठकुरीले जनाएका छन् । पुरुषमा ९ र महिलामा २ गरी ११ स्पर्धामा खेल हुने छ ।
प्रत्येक स्पर्धामा नगद पुरस्कार राखिएको आयोजक संघका महासचिव समेत रहेका प्रमुख प्रशिक्षक शिव थापाले जानकारी गराए । स्वर्ण विजेताले २५ हजार, रजतले १० हजार र कांस्यले ५ हजार नगद पुरस्कार पाउने छन् ।
टोखा नगरपालिकाको मुख्य प्रायोजनमा हुन लागेको प्रतियोगिताका खेलहरु धापासीस्थित श्री समाज भवनको प्राङ्गणमा हुने छ । प्रतियोगिता शनिबारसम्म चल्ने छ ।
प्रतियोगिता सम्पन्न भएपछि आइबारबाट संघकै आयोजनामा छैटौं टेडवाङ जित कुन्डो मार्सल आर्ट सेमिनार हुने छ । सेमिनार स्पेनका जित कुन्डो प्रशिक्षक सिफु जोक्युन मार्सिलो र उनका सहायक प्रशिक्षक मिगल नेपाल आइसकेको संघले जनाएको छ ।
सेमिनारमा खेलाडी र प्रशिक्षक गरी करिब ५० जनाको सहभागिता रहने छ । दुईदिने सेमिनार लैनचौरस्थित राष्ट्रिय टेबलटेनिस प्रशिक्षण केन्द्रमा हुने छ ।
