उत्तर कोरियाले जनतालाई छालाको लामो कोट लगाउन प्रतिबन्ध लगाएको छ । किम जोङ उनको प्रिय पहिरन अरूले लगाएर अपमान नगरून् भनी प्रतिबन्ध लगाइएको हो । 

सन् २०१९ मा किमले लेदर कोट लगाएपछि उत्तर कोरियाका सम्भ्रान्तहरूले त्यस्तै कोट लगाउन थालेका थिए । उनीहरूले सक्कली छालाको कोट लगाएका थिए । 

तर त्यसैको सिको गर्दै अरूले पनि सस्तो नक्कली कोट लगाउन थालेपछि प्रहरी खटाएर त्यस्तो कोट बेच्न रोकिएको छ । किमको पहिरनलाई मानिसहरूले सस्तो सामान किनेर अपमान गरेको अनि उनको शक्तिको अवमूल्यन गरेको निष्कर्ष सरकारले निकालेको हो । 

नक्कली छालाको कोट गत सेप्टेम्बर महिनादेखि बेच्न थालिएको थियो । कोभिडका कारण लगाइएको प्रतिबन्ध खुकुलो बनाइएपश्चात् चीन र उत्तर कोरियाको सीमा खोलिएपछि कोटहरू उत्तरको बजारमा कोट भेटिन थालेको हो । 

व्यापारीहरूले सिन्थेटिक लेदरबाट कोट बनाएर बेच्न थालेका हुन् ।