०३ साउन २०८३, आइतबार
नेकपा एमालेको दशौं महाधिवेशनको बन्दसत्रमा पेश गर्ने केन्द्रीय सदस्यको नयाँ सूची तयार भएको छ ।
अध्यक्ष मण्डलका अध्यक्ष केपी शर्मा ओलीले ३०१ केन्द्रीय सदस्यको सूची तयार गरेका हुन् ।
निवर्तमान उपमहासचिव विष्णु पौडेलले केन्द्रीय सदस्यको सूची प्रिन्ट गरेका छन् । यसअघि अपरान्ह प्रिन्ट गरिएको सूचीमा केही संशोधन गरेर नयाँ सूची बनाइएको हो ।
ओली बसेको पार्क सफारी होटलको लवीमा पौडेलले केन्द्रीय सदस्यको सूची प्रिन्ट गरेका हुन् । यो सूचीलाई ओली, भीम रावल, रामबहादुर थापा सहितको अध्यक्ष मण्डलमा छलफल हुनेछ ।
अध्यक्ष मण्डलमा सहमति भएपछि बन्दसत्रमा पेश गरिने छ । पदाधिकारीमा सहमति जुट्न नसक्दा बिहान १० बजे शुरू हुने भनिएको बन्दशत्र राति पौने ९ बजेसम्म शुरू हुन सकेको छैन ।
