गाजियाबाद– धेरै संघर्षपछि गाजियाबादका एक मुस्लिम महिलाले हिन्दू धर्ममा प्रवेश गरिन् । भारतीय शिवसेनाका राष्ट्रिय अध्यक्ष अमित आर्यनको नेतृत्वमा शबनम नामका मुस्लिम महिलाले हिन्दू धर्म अँगालेकी हुन् । 

आर्य समाजका विद्धानहरुले वैदिक पूजाविधि सहित उक्त महिलालाई हिन्दू धर्ममा प्रवेश गराएका थिए ।

हिन्दू धर्मका आएपछि ती महिलाको नाम सीमा राखिएको छ । तीनवटा सम्बन्धविच्छेड सम्म पनि वैध मान्ने प्रचलनका विरुद्ध र अन्यायमा पल्सिएका महिलाको सहयोगको लागि शिवसेनासँग मिलेर अगाडि बढ्ने योजना रहेको उनले सुनाइन् ।

शिवसेनाका राष्ट्रिय अध्यक्ष अमित आर्यनले ती महिलाको धर्म परिवर्तनको लागि कुनै दबाब नदिइएको बताए । तर अन्यायमा परेर सहयोगका लागि आएका मुस्लिम महिलालाई सहयोग गर्ने उनले बताए ।

प्रशासनले निकै टगारो लगाएपनि ती महिलाले आखिरमा धर्म परिवर्तन गरेरै छाडेको उनले बताए । उनले भने ‘ स्वेच्छाले कसैले पनि वैदिक विधि अनुरुप धर्म परिवर्तनको लागि तयार हुनसक्छन् । ’ सबैलाई शुद्धिकरणको अधिकार भएको अमित आर्यनले बताए ।

कैला भट्टामा बस्ने यी महिलालाई उनका पतिले सन २०१४ डिभोर्स दिएका थिए । डिभोर्सको केही समयपछि नै ती महिला पतिको घर छोड्न बाध्य भइन् । उनको तीन बच्चा छन् ।

पतिले आफूलाई भ्रममा राखेर घर फिर्ता बोलाएको र आफूलाई वेश्यावृत्तिको लागि दबाब दिइएको ती पीडित महिलाले आरोप लगाइन् । नवभारत टाइम्स