०८ साउन २०८३, शुक्रबार
प्रसिद्ध रियालिटी टीभी शो कौन बनेगा करोडपतिको एक हजार एपिसोड पूरा भएको छ ।
यो शो विगत २१ वर्षदेखि दर्शकहरूलाई मनोरञ्जन गर्दै आइरहेको छ ।
शोको यस ऐतिहासिक अवसरमा अमिताभकी छोरी श्वेता र नातिनी नव्या नवेली नन्दा विशेष अतिथिका रूपमा पुगेका थिए ।
श्वेताले पिता अमिताभलाई सोधिन्, ‘एक हजारौं एपिसोड पूरा हुँदा तपाईंलाई कस्तो अनुभव भइरहेको छ ?’ जवाफमा अमिताभले बताए, ‘संसारै परिवर्तन भएको जस्तो लागिरहेको छ ।’
यसो भन्दै उनी भावुक भए ।
यो प्रोमो भिडियोलाई सोनी टीभीले आफ्नो सामाजिक सञ्जाल अकाउन्टमा शेयर गर्दै यस्तो क्याप्सन लेख्यो, ‘अनुहारको मुस्कान, आँखामा खुशीको आँसु, धेरै ज्ञान र सबैको प्रेम पाएर केबीसीले एक हजार एपिसोड पूरा गरेको छ । यस सुन्दर क्षणमा अमिताभ सर भावुक हुनुभयो । यस यात्राको एक झलक हेर्नुस्, पूरा एपिसोड हेर्न नभुल्नुहोला ।’
