अमेरिकाले चीनसँग आणविक अप्रसार सन्धि गर्नका लागि कुराकानीको तयारी गरेको छ । 

पेन्टागनको एक रिपोर्टअनुसार, चीनले सन् २०३० सम्म लगभग एक हजार आणविक हतियार भेला पार्नेछ । अझ चीनसँग थप राम्रो प्रविधि भएकाले अमेरिका आत्तिएको छ ।

अमेरिकाका राष्ट्रपति जो बाइडनले चिनियाँ समकक्षीसँग भर्चुअल शिखरबैठक गरेपछि अमेरिकाले कूटनीतिक च्यानलमार्फत आणविक अप्रसारको सन्धिका लागि गम्भीरतापूर्वक प्रयास शुरू गरेको हो । 

यसमा चीनको सकारात्मक सन्देशको प्रतीक्षा गरिरहेको बाइडनका राष्ट्रिय सुरक्षा सल्लाहकार जेक सलिभानले बताएका छन् । चीनसँग सन्धि भएमा मात्र एसिया प्रशान्त क्षेत्रमा शान्ति स्थापना हुनेछ । 

बदलिँदो समीकरणमा अमेरिकालाई रुसभन्दा बढी चीनबाट खतरा छ ।

त्यसमाथि रुस जस्तै गरी चीनसँग न्युक्लीयर हटलाइन अमेरिकाको छैन ।

अहिले चीनलाई भूराजनीतिक दबाब दिन सक्ने हैसियत अमेरिकासँग छ ।