भारतले रक्षा क्षेत्रलाई थप मजबूत बनाउनका लागि विभिन्न कदम चाल्न थालेको छ ।

त्यसैक्रममा लद्दाखमा चिनियाँ गतिविधिमाथि नजर राख्न भारतले इजरायलसँग हेरोन ड्रोन किनेको छ । यी ड्रोनहरूको एन्टी–जामिङ क्षमता पहिलेको भन्दा राम्रो रहेको बताइएको छ ।

ड्रोन किन्नका लागि भारत सरकारले रक्षा बलहरूलाई दिइएको संकटकालीन वित्तीय शक्तिको उपयोग गरिएको थियो । त्यसअन्तर्गत उनीहरूले युद्ध क्षमतालाई उन्नत गर्नका लागि ५०० करोड भारुको उपकरण र प्रणाली किनेको छ । 

इजरायली सञ्चारमाध्यमका अनुसार, हेरोन मार्क–२ ड्रोन संसारको सबभन्दा उन्नत प्रविधियुक्त छ । 

विमानले अनेक किसिमका पेलोडहरू लैजान सक्छ ।

यस ड्रोनमा दमदार रोटेक्स ९१५ आईएस इन्जिन राखिएको छ । त्यस इन्जिनले १० हजार मिटरसम्मको उचाइमा उड्न सहायता गर्छ ।

यसको अधिकतम गति १४० नट्स प्रतिघन्टा छ । 

यसको सेन्सरलाई ठूलो आकार दिइएको छ । त्यसपछि यो झनै खतरनाक बनेको छ ।